اربعة عشر معصوم

بسم الله الرحمن الرحيم
اللهم صل على محمد وآل محمد وعجل فرجهم بقائمهم

المعصومون


صلَّي على النبي وآل النبي

صلَّي يالمحب صلَّي ولرب السمه صلَّي كَلَّك خالقك صلَّي
صوم واعبِد وصلَّي زكِّي وخمُّس وصلَّي حِج بكعبته وصلَّي
وأعله المصطفى صلَّي وأذكر عترته وصلَّي

* * *
بسمه

بَسمه للنبي بسمه كل ما بالعمر بسمه اتبسَّم يالمحب بسمه
من عندك ردت بسمه والدنيا صفت بسمه لوجه المصطفه بسمه
ولو مني طِلَبْ بسمه يستاهل ألف بسمه
* * *
حيدر

و حيدر يالتحب حيدر من بعد النبي حيدر للباري ولي حيدر
يحضر بالشدد حيدر اسمع يالتود حيدر لا تترك حيدر
ميزان البشر حيدر شافع بالحشر حيدر
* * *
الزهره

الزهره فاطمة الزهره من بعد الوصي الزهره بضعة النبي الزهره
روح المصطفه الزهره هاي الطاهره الزهره خِيرة النسه الزهره
نجمه بالسمه الزهره شمس المعرفه الزهره

افرح

افرح يالمحب افرح بوجود الحسن افرح يالتهوى السبط افرح
ربك خاطبك افرح انته اللي فِزِت افرح وابجنة عدن افرح
ويه المجتبى افرح وبأجمل فرح افرح

روحي
وروحي الغالية روحي أغله ثمن روحي ترخص للسبط روحي
حسن اللي سكن روحي مالك مهجتي وروحي ولو مني طلب روحي
لجله ما أعز روحي اشعندي أغله من روحي

انته

و انته يا علي انته زين العابدين انته سيد الساجدين انته
حُجَّة خالقك انته يا سادس بدر انته أعبد البشر انته
واشكَد اصبرت انته عجَّزت الصبر انته

باقر

و باقر للعلم باقر اقصد ابنك الباقر سابع كوكب الباقر
وهذي شيعة الباقر تبعت منهج الباقر ما مالت عن الباقر
ومنهو يتبع الباقر إبنه إيمثِّل الباقر

صادق

صادق باللفظ صادق هذا جعفر الصادق يالتنشد عن الصادق
رمز المعرفة صادق أسَّس جامعة الصادق فازت شيعة الصادق
واللي تبعوا الصادق الهم يشفع الصادق

كاظم

و كاظم للصبر كاظم عنوان الوفه الكاظم يا من تجهل الكاظم
هذب سيرة الكاظم نبراس الإبه الكاظم ولمن توصل الكاظم
تلكَه حضرة الكاظم تزهي ابهيبة الكاظم

غالي

غالي يا لرضا غالي تبكَه ابكل وكت غالي ناديت وصحت غالي
عمري بالثمن غالي لكن أرخِص الغالي لجلك ما كو شي غالي
بس انته تظل غالي يا أغله وأعز غالي

هادي

هادي للبشر هادي نورك يا علي الهادي وارث جدك الهادي
ومثله لشيعتك هادي بحرك بالكرم هادي يطفح جود يالهادي
وهذ انه الك هادي روحي والنفس هادي

آية

آية للبشر آية من رب العرش آية وجدان الحسن آية
هذا العسكري آية وبسمه اتنادي كل آية يا ثالث عشر آية

ربك جاعلك آية بيها ايفسر الآية


مهدي

و مهدي الخاتمة المهدي حجة امن العرش مهدي وهذي شيعة المهدي
كلها اتنادي يالمهدي غايب وسفه يالمهدي واشهل الغيبه يالمهدي
يا رابع عشر مهدي كلكم للبشر مهدي


من كلمات الشاعر الأديب الأستاذ جابر ألكاظمي (من ديوانه الأغاريد في المدح والمواليد الجزء الأول ص 93 ) إلقاء الرادود الحاج ملا باسم الكر بلائي )