بيات أبوذيّه في رثاء الإمام علي عليه السلام

الـحـزن مـتـفـصل اعليه وليتام
و عـنـدي اويه الدمع عِشره وليتام
عـلـي حـيـدر يـودعها وليتام
يـم داره لـفـت هـاي الـمسيه

ولـيـنـه الـشرف الكعبه ولدها
و مـصـاب الـحالته أصعب ولدها
زيـنـب بـنت علي فقدت والدها
بـعـدمـا ودعـت امـها الزجيه

إبـويـه الـلـبـلاغه ايفيض داره
و لا نـاظـره عـن الـنشد داره
مـلـفـه لـلـيـتـامه قبل داره
و ألـف وسفه بقت وحشه و خليه

يـالـمـنـك الـراد الـعلم ينهال
ألـف وسـفه التراب اعليك ينهال
خـل دمـعـي دمه امن العين ينهال
و عـسـن ويـاك وافـتـني المنيه

الـدهـر ويه العقيله بهضم ما طال
و تـصيح البدر غاب اليوم ما طال
يـبـويه و ياريت هذا العمر ما طال
شـلـي بـعمري ووقع سور العليه

وحـق الـلـي خـلق انسه وجينه
ابـلـهـيـب الحزن هالليله وجينه
انـحـفـر قبر الوصي حيدر وجينه
نـشـيـع نـعش سيف الله و نبيه

اعـله حيدر أحن و أجذب آه واراه
امـوت و لا اشـوفه ابنعش واراه
الـتـرب بـاجر اذا للوصي واراه
تـحـن أرض وسـمه الحيدر سويه

أريـد أجـري الدمع من دم وسيفه
و أصـيـحـن آه يا حيدر وسيفه
ابـن مـلـجـم قرب يمك وسيفه
طـبـر راسـك يسيف الله و نبيه

الـكـرامـه انجعت بجتلك وهامك
و يـزول الـجبل من صبرك وهامك
طـحـت ساجد الوجه الله و هامك
انـطـبـر و اتـفجرت عين الثريه

عـالـهـم عـودك هالدهر ودماك
و مـوده مـا بـكت بالناس ودماك
إمـام بـلا ذنـب غـدروه ودماك
جـرت مـجـره الجداول عالوطيه

الـحـسن و حسين دهر الهم ولمهم
راح الـجـان يـجـمـعهم ولمهم
يـتـامـه لا أبـو يـمـهم ولمهم
و قـضـوا دنـيـاهم ابهم و أذيه

يـحـيـدر طـبرتك نيران وجرت
جـذبـت الـونه لمصيبتك وجرت
دمـه هـلـيت دموع العين وجرت
صـعـب فـقـدك يحماي الحميه

يـحـزن الـقلب ما عوفك ولملاك
صـرت مـا ألـتزم صبري ولملاك
افـقدت روحي بفقد حيدر ولملاك
اعـتـنت تحمل نعش حامي الحميه

الـمـحـن بـادت عشيرتنه وهنه
و مـصـاب الـمرتضه حيدر وهنه
طـبـر راسـيـن ابن ملجم وهنه
راس الـمـصـطفه و حيدر وصيه


دلـيـلـي ابـحـبل آهاتي يريته
و عـوض دمـعـي دمه ابعيني يريته
الـيـشـيـل اجـنازة الوالي يريته
قـبـل حـيـدر مشه جنازي بيه

الـدنـيـا لـلـعبا الخمسة بأهلها
ولـون مـا نـوره ما جت بأهلها
الـنـصـارى بـيمن الهادي بأهلها
بـعـلـي وأولاده والزهرة الزكيه

عـلـي أحزاب الشرك فلش وكرها
إركَـاب الـزلـم ذلـلها وكرها
إلـيـشـك بفضله ابغضنه وكرها
وألـعـنـه بـكـل صباح ومسيه

عـلـي حـاشـه إلي تقصده يردها
وبـالـمـحـشر إمن الكوثر يردها
الـدنـيـا لـو إلـه رغـبة يردها
حـكـمـهـا بسيفه حماي الحميه