لـ الرادود الحُسيني الشهيد عمار الكاظمي



العراق بذمتك يا حيدر احضرنا


خوان انتعارك للأسف صرنا


نشرح لك ..مصيبتنا .. تفرقنا .. تشتتنا


خوان انتعارك للأسف صرنا


نحشمك وانته حيدر صاحب الكلفه


العراق بغير سيفك ابد ما يصفى


وسفه الشعب باع الذمة يا وسفه


عينك عن عراقك ما اظن تخفى


نترجاك شيل لواك شوف اعداك


خناجرها يا حيدر بالوطن نبتت


يا وسفه الشعب يا الوالي يتشتت


واحنا الجيتك .. نتمنى .. تفرقنا .. تشتتنا


خوان انتعارك للأسف صرنا


دم ينزف عراقك وانشطر نصين


لو رمش الوطن يرمش تصب العين


احنا الجيتك يا حيدر متانين


تحضرنا وتشوف اشعمل بينا البين


تشوف الصار يا الكرار شبت نار


وضلوع الوطن والنار مستعرة


مو كل مرة حيدر تسلم الجرة


ساءت حيل .. حالتنا .. تفرقنا .. تشتتنا


خوّان نتعارك للأسف صرنا


نشكي لك مصايب مرت اعلى الناس


سوالفنا اظنها يشيب منها الراس


الاخو يذبح اخوه ابلا ذنب واحساس


محتاجين خوه بخوة العباس


محتاجين هذا الحين ريت حسين


ينظرنا ويشاهد ولية العدوان


بينا بهالزمان اشعملت الخوان


يشوف شسوت .. اخوتنا .. تفرقنا .. تشتتنا


خوان انتعارك للأسف صرنا


عراقك يا علي اصبح شتات غيوم


ليش يفجرونه السبب ما مفهوم


شعبنا من الفتن تاه و صبح مقسوم


مرمي ابلا دليل ولا بدر ونجوم


شِبه الليل مظلم حيل قال وقيل


اصبح في عراقك يا علي الدستور


تفر بينا المصايب فرة الناعور


نسد فتنة .. ترد فتنة .. تفرقنا .. تشتتنا


خوان نتعارك للأسف صرنا




للاستماع



رحم الله هذا الصوت الحسيني وحشره مع فاطمة وعلي

وموفقيـن ببركـة أميرالمؤمنين



نسألكم الدعاء