- ساعة وداع الزهرة ------- حيدر علي شيصبره
تنظرله آخر نظرة ------- بنبرة حزن مكسورة
2 - تودع الحسن وحسينها ------- وزينب يرب اتعينها
تمسح مدامع عينها -------- بأمها غدت موتورة
3 - يا ساعد الله حيدر ------ وضلع الزكية امكسر
ومحسن بعتبة اتعفر ------ ----- يا جثته المعفورة
4 - كسرت ضلعها العصرة ------ خدها انلطم بالسطرة
ودملج عضدها جمرة ----- -- تغيب وتضل الصورة
5 - نادت علي هالساعة ------- ويصعب عليها وداعه
وتغيرت أوضاعه ------- --- مقهور للمقهورة
6 – تكلله ينوراعيوني -------- يا بالحسن ودعوني
ببهيده من تضموني ------- توجعني بعد امتوني
7 - حيدر علي واليها -------- يحن وينوح عليها
وبصدره كسر البيها ----- ومنه الكبد مفطورة
8 - تكلله يحيدر وينك ------ من بعدي الله يعينك
فركوا بيني وبينك ------ --- كضيت العمر محسورة
9 - يا حيدر ارفع راسك ------- وخل الصبر متراسك
لا تشهك بانفاسك -------- خلي المقل مستورة
10 - وتحير علي بأمره ------- وسالت بعينه العبرة
وضم البتول الصدره ------- ----- يالبسمه مشهورة
11 - اتذكرني لا تنساني -------- من بعدي راح اتعاني
من الاول من الثاني ------- الدنيه بغدر منذورة
12 - تكلله البتول البضعه ------- احضرني ليل الجمعه
ولصوتك ارد استمعه ----- وكبري اريد اتزوره
13 - وزينب وصيتي بيها ----- لا تصيح وحدة اعليها
ما اريدن اتبجيها ------ --- تضل بالحزن مغمورة
14 - أقسم اعليك بدمعي ------ وبكل مراري ووضعي
ما ريد تكشف ضلعي ------ ولا مهجتي المسطورة
15 - ما ريد ضلعي اتكشفه ولا تشوف بيه الخسفة
صعبه عليك وكلفة ----- قران الله نوره
خادم الحسين الخطيب الحسيني سماحة الشيخ محمد الشيخ عبدالله آل عبدالله
