1 - اريد اسال عن العينين        اريد اسال ابو اليمه

يا هي اتالمك يحسين      ويجري الجفن من دمه

بعين الزهرة يا مظلوم         لوعباس وبسهمه

بعين ايشاهد العباس       وعين تصد لعند امه

2 - هذي العين لطمة ايد            وهذي العين مرمية

هذي العين محمرة           وهذي العين مطفية

عين امك حنان اعليك         وعين الطف درع هيه

هالعينين خجلانات                بالدمعات مدميه

3 – ابو فاضل على الشاطي           وامك طاحت على الباب

براسه صوبوا العامود          وهيه الضلع منها انصاب

راسه لو ضلعها اعليك        ا صعب يبن داحي اباب

راس السال مخه وطاح          وراسي الما عليها احجاب

4 – لطموا خدها للزهرة        وخد عباس عالتربان

طاح من المهر عباس        وهيه بعتبة البيبان

صاحت يا رسول الله        ادركني يعالي الشان

وبو فاضل نده يحسين         يخويه وزينة الاخوان