حي الأنصار    بذلوا دمهم لأبن الزهرة والكرار

1 - يوم العاشر جون ومسلم     وصحبه الامجاد

سمعوا صوت احسين ينادي        للاستشهاد

كلمن قدم روحه وجسمه       راح وما عاد

لو مهما صار    ميعوفك جون ولا عابس     رغم الاخطار

2 – عابس ما قصر بالعاشر      بالطف اشصاح

جنن عقله   حب   حسين        وللمصرع راح

عابس ذب درعه والمغفر      ما خله اسلاح

بعزمه البتار بصدره العاري يواجه       ميهاب النار

3 – مسلم باخر عمره وصه      بيك الاصحاب

هذا حسين وكلها اتعرفه       بن داحي الباب

كل واحد خل يبذل دمه         حنه وخضاب

يرضه الجبار     بس خل يرضه الباري    ويرضه المختار

1  -  شخبركم عن حسين وعن انصاره    صاير مدمعه ابخده يتجاره

خايف على زينب تهجم الغارة    ولا واحد يرد عنها الاعادي

2 – خايف عالحرم لو راحوا الانصار    ولمن بالمخيم تلهب النار

ويضربون اليتامى زغار وكبار   وتصيح الغوث يحسين وتنادي