أنخاك نخوة كربلة          بالضلع والعين

بعين على شاطي العلقمي     وبصدر لحسين

1 - انخاج نخوة كربله       بنحر اللي حزوه

وبراسه عن جسمه العده      يا ويلي فصلوه

انخاج بضلوع الولي     وصدره اللي رضوه

وبخاتم اصبع سيدي       وخنصره البتروه

سجلي اسمنه كربله         ويا المعزين

2 - انخاج نخوة كربله      بتراب رجليه

بترابك المنه اتخذ      وساده لخديه

بجسمه على حر الثرى    والشمس تاذيه

ظلله بجناحه ملك     هز المهد بيه

نفديله ارواح وجسد      اموال وبنين

3 - انخاج نخوة كربلة      بعامود عباس

وبنحره وبصدره بعد       كفينه والراس

وبظهر الحسين انكسر والدرع والطاس

بدموع الحسين الجرت   واهات الاحساس

وعيونه صارت بالبكا     منبع البحرين

4 - انخاج نخوة كربله     وخل تشهد الناس

تهز الجبال الراسية   تهدها من الآساس

بصدره الذي بنعل الشمر    يا ويلي ينداس

بشهكاته ساعات الذبح          آخر الانفاس

   ذبحوا سليل الانبيا   في يوم الاثنين