هالعليلة  -   تشتكيله   -    بويه لا تتركني من بعدك ذليله

1 - صاحت ابصوت المصيبة   -  اهلي خلوني غريبه

شحال من يفكد حبيبه -   لو رحل منهو اليجيبه

وهالرزية   -  تكلله هيه   -   بويه تدري صعبه مو سهله عليه

2 – ضيعت كل الاماني     - وبالغدر دهري رماني

بويه يا احلى المعاني  -    خايفه بعدك اعاني

خلي عمي -  يبقه يمي -   لو رحت منهو الذي يجليلي همي

3 – خل عبدالله ورقيه  -  نبقه يا بويه سويه

داركم وحشة وخليه     -   وحدي صعبه عليه

ندعي كلنه  -  ترجع النه   -  خاف ما يرجع بعد عبدالله النه

4 – ذوب افراكك فؤادي  -   ونغص عليه رقادي

وحدي يا بويه انادي    -   بالسلامه اترد مرادي

وامنياتي   -  بكل حياتي -   تحضر اتغمضلي اجفاني بمماتي