رقية لو حميدة     الاسيرة والشهيدة   

ياهي اصعب       آ   يزينب           رقية لو حميدة

1 – نسالك ام اليتامى      آ يزينب جاوبينه

عن رقية وعن حميدة    وكون عمه اتسامحينه

يا مصيبة اعظم عليكم    يا بني الهادي نبينه

مدللات احسين ذني      هذي قلبه وهذي عينه

حميدة لو رقية     الشهيدة والسبية

ياه أعجب           آ يزينب      رقية لو حميدة

2 – هذي سبع اسنين عاشت       بس رقية اسنين اربع

اتيتمن ابعمر الطفولة            واحنه ندري اليتم يوجع

تكسر الخاطر يزينب                لمن الايتام تدمع

 وين ابويه اتكول هذي       وذيج عمه اشوكت يرجع

اليتم صاير علامة      على اوجوه اليتامى

شلون تنحب        آ يزينب        رقية لو حميدة

3 – لو نسولف عن رقية           تكلله يا بويه هضيمه

من زغر سني عجيبة                   بكربله تالي يتيمه

تكلله من بعدك ترانه                صرنه بويه بلا خيمه

والابو يابو الغيارى                  اعبايته تفيي حريمه

وكسر قلب الزجية               نوادبها الشجية

تصيح يا رب        آ يزينب        رقية لو حميدة

4 – هذي ما راوووها راسه          بالطشت ويسيل دمه

وهيه ما حملت بديها            راس ابوها لا تضمه

تقبله بثغر الفجيعة        ولا نحر صارت تشمه

ولا هي نامت فوك راسه       بلا نفس  وشلون هضمه

على راسه البنية       توفتها المنية        

وحكنه نغضب      آ يزينب      رقية لو حميدة

5 – هذي سحبوا جسم ابوها      بالحبل وسط الشوارع

وهذي رضوا جسم ابوها        وكسروا منه الاضالع

وهذي عدها اثنين اخوة    اتذبحوا والله فجايع

وهذي اخوها بصدر ابوها     من دما نحره المراضع

على صدره رضيعة          رضع دم الفجيعة

والدم انصب         آ يزينب

الشيخ محمد عبدالله ال عبدالله