1 - شهر لمحرم يقرآن العذاب    يا شهر عاشور بيك اشكم مصاب

بيك قلب المرتضى والهادي ذاب      يا مصاب الما جره في العالمين

2 - يا شهر عاشور يا شهر الانين بيك مفجوعة قلوب المؤمنين

بيك عبدالله انذبح بيد الحسين    وبعده ينزف دمه متنشفه السنين

3 - يا شهر عاشور مالك اي شبيه     كل مصاب الما له ثاني تحتويه

بيك ابو فاضل غدر قطعوا اديه     والسهم نابت يشهر باحله عين

4 -  بيك صدر احسين بالطف رضرضوه    وبيك خده بالترايب تربوه

وبيك جسمه يا محرم سلبوه      تغسله ادموع الموالي الطيبين

5 - بيك ما يخلص ابد دمع البكاء    بيك تبكي على الحسين الانبياء  

ضل ثلثة ايام مرمي بالعراء       وين فاطم عنه وين ام البنين

6 - شهر لمحرم يشهر الكبرياء    بيك اهل الارض تنحب والسماء

بيك شيب احسين مخضوب بدماء    وينتحب حيدر امير المؤمنين