يا هلال المدينة كوم ودع ولينه
نيته يرحل عن مدينة جده هالليلة الغريب
راح يم مرقد حبيبه يكلله يا جدي الحبيب
راحل انا وما لي جيه ما لي بالرجعة نصيب
حضر يمه وودعه يستعد لمصرعه رفع كفه للدعا وصاح يا رب يا مجيب
واستخار الله وامينه يا هلال المدينة
نام عد كبره وتوسد ودمعه عالخد يهمله
جاله بالرؤيا محمد لصدره ضمه وقبله
يكلله يا قرة عيوني يبني روح لكربله
كلله امه فاطمة وحيدرة حامي الحمة والحسن دمعه همه كلها مشتاقة اله
بعاشر محرم تجينه يا هلال المدينة
موعدك بالغاضرية تنذبح ويه اخوتك
ظامي يا روح الزكية والعطش فت مهجتك
من ردت ترتاح ساعة هالحجر صك جبهتك
هالحجر بعده يرن ويفتح بجرح الحزن وسال دمك عالوجن وامك الزهره تحن وزينب اختك نظرتك
ولقلبها الله يعينه يا هلال المدينة
يبني والاصعب تشوفه يعلم الله بحالتك
وانته عالغبرة رمية الشمر يمسك شيبتك
يرفسك برجله الخبيثة وسيفه يلمس رقبتك
ومنك ايحز النحر اه يا جور الدهر يا صبر رب البشر الخيل تطحن جثتك
وزينب تشوف الحزينة
يودع احسين المدينة والمدينة اتودعه
راح يم قبر الزكية ينادي وهي تسمعه
يكلها يا يمه وداعا يسيل بالخد مدمعه
شلون لمن سمعته من قبرها حاكته
